აშშ ისრაელის ქალაქ რაანანაში მომხდარ ტერორისტულ აქტს გმობს, - ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა განაცხადა.

„ჩვენ რაანანაში მომხდარ საშინელ ტერორისტულ თავდასხმებს ვგმობთ, რომლის შედეგად დაიღუპა ერთი და რამდენიმე დაშავდა და მსხვერპლთა ოჯახების მიმართ ღრმა მწუხარებას გამოვთქვამთ“, - განაცხადა მეთიუ მილერმა.

შეგახსენებთ, დღეს, ისრაელის ქალაქ რაანანაში ტერორისტული აქტი მოხდა. ეჭვმიტანილი ავტომანქანით ხალხს შეეჯახა, რის შედეგადაც ერთი ადამიანი გარდაიცვალა და 17 დაშავდა.