„ჰუსიტებმა“ ამერიკულ გემზე თავდასხმა განახორციელეს

ადენის ყურეში, ამერიკულ გემზე განხორციელებულ თავდასხმაზე პასუხისმგებლობა „ჰუსიტებმა“ აიღეს, - ინფორმაციას CNN-ი ავრცელებს.

ტელეკომპანიის ცნობით, იემენში მოქმედი დაჯგუფების გენერალმა, იაჰია სარიმ განაცხადა, რომ მათ ადენის ყურეში სამხედრო ოპერაცია განახორციელეს, რომლის ფარგლებშიც ამერიკულ ხომალდს „შესაბამისი სამხედრო-საზღვაო რაკეტებით“ დაარტყეს.

გენერლის თქმით, დარტყმები ზუსტი და პირდაპრი იყო.

„ჰუსიტები“ პირობას დებენ, რომ იემენზე ნებისმიერი დარტყმა უპასუხოდ არ დარჩება.

„ნებისმიერი ამერიკული და ბრიტანული ხომალდი, რომელიც მონაწილეობს იემენის წინააღმდეგ აგრესიაში, განიხილება მტრულ სამიზნედ. იემენის შეიარაღებული ძალები ადასტურებენ, რომ ამერიკისა და ბრიტანეთის თავდასხმებზე პასუხი აუცილებლად იქნება და რომ ნებისმიერი ახალი თავდასხმა პასუხისა და სასჯელის გარეშე არ დარჩება“, - განაცხადა იაჰია სარიმ.

მანამდე, შეერთებული შტატების ცენტრალურმა სარდლობამ გაავრცელა განცხადება, რომ ხომალდი M/V Gibraltar Eagle მცირედ დაზიანდა.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო