ვასო ურუშაძე - ბოლო ათი წელია, თბილისში არცერთი ინფრასტრუქტურული პროექტი არ განხორციელებულა პრობლემის გარეშე - ვხედავთ წერეთლის რეაბილიტაციის პროექტს, რომელიც გაურკვეველია როდის შეიძლება დასრულდეს

ბოლო ათი წლის განმავლობაში, თბილისში არცერთი ინფრასტრუქტურული პროექტი არ განხორციელებულა პრობლემის გარეშე, თითქმის ყველა პროექტთან დაკავშირებით ჩვენ გვაქვს უხარისხოდ შესრულებული სამუშაოები ან ვადებში გადაცდენები, ასეა დღეს წერეთლის რეაბილიტაციის პროექტიც, რომელიც გაურკვევლია, როდის შეიძლება დასრულდეს,- ამის შესახებ „ერთიანი ნაციონალური მოძრაობის“ ანტიკორუფციული მიმართულების მდივანმა ვასო ურუშაძემ განაცხადა.

მისი თქმით, „ეს ყველაფერი განპირობებულია იმ კორუფციული ინტერესით, რომელი კორუფციული ინტერესებითაც მოძრაობს დღეს თბილისის მერია“.

„ბოლო ათი წლის განმავლობაში, თბილისში არცერთი ინფრასტრუქტურული პროექტი არ განხორციელებულა პრობლემის გარეშე. თითქმის ყველა პროექტთან დაკავშირებით ჩვენ გვაქვს ან უხარისხოდ შესრულებული სამუშაოები, ან ვადებში გადაცდენები და გვახსოვს გოცირიძის მეტროს „ქეისი“, დღეს ვხედავთ ბაგების ხიდის მშენებლობის მდგომარეობას თუ რა ვადების ჩამორჩენას აქვს ადგილი და ვხედავთ წერეთლის რეაბილიტაციის პროექტს, რომელიც უკვე გაურკვეველია როდის შეიძლება დასრულდეს“, - განაცხადა ვასო ურუშაძემ.

თბილისის მერიამ წერეთლის გამზირის რეაბილიტაციაზე პასუხისმგებელ ორ კონტრაქტორ კომპანიასთან ხელშეკრულება გაწყვიტა. არსებული ინფორმაციით, შესაბამისი ბრძანება დედაქალაქის მერმა, კახა კალაძემ გუშინ გამოსცა.

როგორც საკითხთან დაკავშირებით დედაქალაქის მერიაში განმარტავენ, კონტრაქტორ კომპანიასთან ხელშეკრულების გაწყვეტა არ იმოქმედებს ვადებზე და წერეთლის გამზირზე საავტომობილო მოძრაობა სრულად აღდგება დათქმულ ვადაში.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო