ბორის ნადეჟდინმა რუსეთის საპრეზიდენტო არჩევნებში მისი კანდიდატურის წარდგენისთვის ხელმოწერების შეგროვება თბილისშიც დაიწყო

ბორის ნადეჟდინმა რუსეთის საპრეზიდენტო არჩევნებში მისი კანდიდატურის წარდგენისთვის თბილისში ხელმოწერების შეგროვება დაიწყო, - ამის შესახებ ინფორმაციას თავად რუსი პოლიტიკოსი ავრცელებს.

„შეგიძლიათ ხელმოწერა თბილისში დატოვოთ. ჩვენ ვაფართოვებთ ჩვენს გეოგრაფიას და თქვენი მხარდაჭერის იმედი გვაქვს. მოიწვიეთ თქვენი ნაცნობები და მეგობრები - საქართველოში შეგროვება გაიხსნა! თან წაიღეთ თქვენი შიდა რუსული პასპორტი. გელოდებით!“ - წერს ბორის ნადეჟდინი „ტელეგრამის“ არხზე.

რეგისტრაციისთვის ნადეჟდინს 100 ათასი ხელმოწერა სჭირდება. გუშინ, მან განაცხადა, რომ ჯერჯერობით 11 ათასზე ცოტათი მეტი ხელმოწერა შეაგროვა.

ცნობისთვის, ბორის ნადეჟდინი კანდიდატად პარტია „სამოქალაქო ინიციატივამ“ წარადგინა. ყოფილი დეპუტატი აცხადებს, რომ იგი უკრაინაში ომს ეწინააღმდეგება და პრეზიდენტად არჩევის შემთხვევაში მის დასრულებას აპირებს.

შეგახსენებთ, რომ რუსეთში საპრეზიდენტო არჩევნები 2024 წლის 17 მარტს გაიმართება.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!