ანჯეი დუდა - უკრაინა ნატო-ს სრულფასოვანი წევრობისკენ უნდა ისწრაფოდეს
უკრაინა ნატო-ს სრულფასოვანი წევრობისკენ უნდა ისწრაფოდეს, - ამის შესახებ პოლონეთის პრეზიდენტმა, ანჯეი დუდამ დავოსში უკრაინის პრეზიდენტ ვოლოდიმირ ზელენსკისთან შეხვედრის შემდეგ განაცხადა.
„ომის დროს ეს შეუძლებელია, მაგრამ მიმაჩნია, რომ უკრაინამ ნატო-ში მოწვევა უნდა მიიღოს, რომელიც ალიანსის წევრი ქვეყნების ეროვნულ პარლამენტებში ამ საკითხის განხილვის პროცესს დაიწყებს. ეს პროცესი შეიძლება გაგრძელდეს, მაგრამ ეს უკრაინის დამცველებისთვის მორალურად ძალიან მნიშვნელოვანია“, - განაცხადა ანჯეი დუდამ.
პოლონეთის პრეზიდენტმა აღნიშნა, რომ უკრაინის ნატოში გაწევრიანება ძალიან მნიშვნელოვანია მთლიანად ნატო-ს სიძლიერისთვის და პოლონეთის უსაფრთხოებისთვის.
შეგახსენებთ, რომ გუშინ, უკრაინისა და პოლონეთის პრეზიდენტები დავოსის მსოფლიო ეკონომიკური ფორუმის ფარგლებში ერთმანეთს შეხვდნენ.
v-if="article.gallery" v-html="article.gallery"
