„ჰამასის“ ტყვეობიდან გათავისუფლებული მძევლები დავოსში გაერო-ს გენერალურ მდივანს შეხვდნენ, - ამის შესახებ ინფორმაციას ისრაელის მედია ავრცელებს.

ისრაელის მედიის ცნობით, გაერო-ს გენერალურმა მდივანმა, ანტონიო გუტერეშმა ღაზის სექტორიდან გათავისუფლებულ მძევლებს განუცხადა, რომ იგი ყველა დარჩენილი მძევლის დაუყოვნებლივ გათავისუფლებას და „ჰამასის“ მიერ ჩადენილი სექსუალური დანაშაულების გამოძიებას მოითხოვს.

გუშინ, დავოსის მსოფლიო ეკონომიკური ფორუმის ფარგლებში, „ჰამასის“ ტყვეობიდან გათავისუფლებული მძევლები ტექნოლოგიური და ბიზნესის სფეროს წარმომადგენლებსაც შეხვდნენ.