შალვა პაპუაშვილი - იმ პოლიტიკურ ორგანიზაციებს და პარტიებს, რომლებიც სახელმწიფო ინტერესების და ეკლესიის წინააღმდეგ მოქმედებენ, რა მოლოდინი აქვთ, რომ ხმას მიიღებენ მოქალაქეებისგან - სამადლოა მათთვის, 40% მიიღონ ჯამში, ესეც გასაკვირი იქნება

პრობლემა არ არის იმაში, როგორი სტრუქტურა აქვთ, როგორ გადაჯგუფდებიან, პრობლემა არის მათ ფილოსოფიაში. იმ პოლიტიკურ ორგანიზაციებს და პარტიებს, რომლებიც საქართველოს სახელმწიფო ინტერესების წინააღმდეგ მოქმედებენ, საქართველოს ეკლესიის წინააღმდეგ მოქმედებენ, რა მოლოდინი აქვთ საერთოდ, რომ ხმას მიიღებენ საქართველოს მოქალაქეებისგან,- ამის შესახებ პარლამენტის თავმჯდომარემ შალვა პაპუაშვილმა პარლამენტში გამართულ ბრიფინგზე ოპოზიციასთან დაკავშირებით განაცხადა.

მისი თქმით, ოპოზიცია საქართველოს მოსახლეობას სთავაზობს რუსეთთან ომში ჩართვას და ეკონომიკურ კოლაფსს და ამ პირობებში არჩევნებზე, საზოგადოების მხრიდან მხარდაჭერის იმედი არ უნდა ჰქონდეთ.

„გუშინ იყო საუბარი „ნაციონალური მოძრაობის“ კიდევ ერთი ქვედანაყოფის შექმნასთან დაკავშირებით. ეს ხალხი ვერ სწავლობს ჭკუას და ამის განაჩენს წლის ბოლოს იხილავენ არჩევნებზე. პრობლემა არ არის იმაში, როგორი სტრუქტურა აქვთ, როგორ გადაჯგუფდებიან, პრობლემა არის მათ ფილოსოფიაში. იმ პოლიტიკურ ორგანიზაციებს და პარტიებს რომლებიც საქართველოს სახელმწიფო ინტერესების წინააღმდეგ მოქმედებენ, საქართველოს ეკლესიის წინააღმდეგ მოქმედებენ, რა მოლოდინი აქვთ საერთოდ, რომ ხმას მიიღებენ საქართველოს მოქალაქეებისგან, როდესაც მოქალაქეები ხედავენ, რომ მათ კუთვნილ ტელევიზიებს შობის საღამოს გაჩაღებული ჰქონდათ მრევლის შევიწროებისა და ეკლესიის დისკრედიტაციის კამპანია; როცა ხედავენ, რომ ყველა მათი ნაბიჯი მიმართულია საქართველოს ეროვნული და მათ შორის უსაფრთხოების ინტერესების წინააღმდეგ. ამიტომ, შანსები როგორც არ ჰქონდათ ბოლო 12 წლის განმავლობაში, ასე არ ექნებათ, რა თქმა უნდა, ახლა.

რა ჰგონია ოპოზიციას, რას სთავაზობს ის ქართველ ხალხს? ოპოზიცია სთავაზობს, რომ ისინი ჩაერთვებიან რუსეთთან ომში, მათი გადაწყვეტილება იქნებოდა, რომ მიევლინათ საქართველოს მოქალაქეები უკრაინაში საომრად; მეორე, დაუწესებდნენ სანქციებს რუსეთს, ჩაკეტავდნენ საზღვრებს, ყველაფერს გააჩერებდნენ, რაც დადასტურებულად ვიცით, ციფრებით დათვლილია, რომ იქნებოდა ეკონომიკური კოლაფსი საქართველოსთვის. არც ერთ ქვეყანას არ ჩაუკეტავს სრულად ვაჭრობა რუსეთთან, პირიქით, მოუმატეს და ბალტიის ქვეყნები ჩვენზე მეტ ღვინოს ყიდიან რუსეთში. სამადლოა მათთვის, რომ 40% მიიღონ ჯამში, ესეც გასაკვირი იქნება, რომ საქართველოს მოქალაქემ მხარი დაუჭიროს პოლიტიკურ მოძრაობას, რომელიც საქართველოს რთავდა რუსეთთან ომში და ეკონომიკურ კოლაფსში აყენებდა ქართველ ხალხს“,- განაცხადა პაპუაშვილმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ