Reuters-ი - ირანის ისლამური რევოლუციის გვარდიის კორპუსისა და „ჰეზბოლას“ მეთაურები იემენში იმყოფებიან და წითელ ზღვაში მოცურავე გემებზე „ჰუსიტების“ თავდასხმებს ხელმძღვანელობენ

ირანის ისლამური რევოლუციის გვარდიის კორპუსისა და „ჰეზბოლას“ მეთაურები იემენში იმყოფებიან და წითელ ზღვაში მოცურავე გემებზე „ჰუსიტების“ თავდასხმებს ხელმძღვანელობენ, - ამის შესახებ ინფორმაციას სააგენტო Reuters-ი ოთხ რეგიონულ და ორ ირანულ წყაროზე დაყრდნობით ავრცელებს.

Reuters-ის ცნობით, თეირანი „ჰუსიტებს“ უახლესი მოდელის დრონებს, ფრთოსან რაკეტებს, ბალისტიკურ რაკეტებსა და საშუალო მანძილის რაკეტებს აწვდის.

ასევე, ირანის ისლამური რევოლუციის გვარდიის კორპუსის მეთაურები დაჯგუფებას დაზვერვის მონაცემებს უზიარებენ, იმის შესახებ, თუ რომელი გემი მიემართება ისრაელისკენ.

„რევოლუციური გვარდია „ჰუსიტებს“ სამხედრო წვრთნებში ეხმარებოდა. „ჰუსიტების“ მებრძოლები გასულ თვეში ირანში იმყოფებოდნენ და რევოლუციური გვარდიის ბაზაზე წვრთნები გაიარეს, რათა ახალი ტექნოლოგიებისა და რაკეტების გამოყენებას გაცნობოდნენ“, - განუცხადა Reuters-ს ირანულმა ანონიმურმა წყარომ.

ირანული წყარო აცხადებს, რომ რევოლუციური გვარდიის მეთაურებს იემენის დედაქალაქ სანაში სამეთაურო ცენტრი აქვთ და წითელ ზღვაში „ჰუსიტების“ თავდასხმებს ზედამხედველობენ.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო