ბორჯომის მუნიციპალიტეტის მერმა ოთარ არბოლიშვილმა, საკრებულოს თავმჯდომარემ დავით ზაალიშვილმა და ადგილობრივი თვითმმართველობის წარმომადგენლებმა სოფელ ანდეზიტში მცხოვრებ ვლადიმერ გელაშვილს 100 წლის იუბილე მიულოცეს. ინფორმაციას ბორჯომის მუნიციპალიტეტის მერია ავრცელებს.

მათი ინფორმაციით, ვლადიმერ გელაშვილს ბორჯომის მუნიციპალიტეტისაგან ერთჯერადად 1000 ლარი გადაეცა, ყოველთვიურად კი ის 200 ლარს მიიღებს.

„გილოცავთ 100 წლის იუბილეს! მინდა დიდხანს სიცოცხლე და მხნეობა გისურვოთ. თქვენი ღვაწლი ჩვენს ქალაქში ყოველთვის დაფასებული იქნება“, - მიმართა ვლადიმერ გელაშვილს ოთარ არბოლიშვილმა.