გია ცაგარეიშვილი - ჩვენს მიერ შექმნილი ბიურო გვამოწმებს ჩვენ და რამდენიმე ოპოზიციონერს - რა მერე, ამიხსენით რაშია აქ სენსაცია!

შავი პიარი და ფულით ნაყიდი ბინძური ლობიზმის შედეგია აგორებული კამპანია იმის თაობაზე, თითქოს უმრავლესობასა და ხელისუფლებაში ისეთი კორუმპირებულები არიან, რომ მათ ანტიკორუფციული ბიურო ამოწმებს - ჩვენს მიერ შექმნილი ბიურო გვამოწმებს ჩვენ და რამდენიმე ოპოზიციონერს - რა მერე... ამიხსენით რაშია აქ სენსაცია! - აღნიშნული განცხადება ჟურნალისტებთან "ქართული ოცნების" დეპუტატმა გია ცაგარეიშვილმა გააკეთა.

ცაგარეიშვილის აზრით, "ბედოვლათმა ოპოზიციამ" მსოფლიო ბანკის იმ კვლევის შედეგების გადაფარვა მოინდომა, რომლის მიხედვით, საქართველო მექრთამეობის შემთხვევების სიმცირით მსოფლიოში მე-13 ადგილზეა, ხოლო ევროპის მასშტაბით - ათეულში.

"ამ მიზნით შემოაგდეს თემა, რომ თითქოს ანტიკორუფციული ბიურო ხელისუფლების წარმომადგენლების სკანდალურ შემოწმებას ახორციელებს. აღნიშნული შემოწმების შესახებ ინფორმაცია ერთი კვირის წინ გავრცელდა, ამგვარი შემოწმების თაობაზე ყველამ კარგად იცოდა და რატომღაც დღეისთვის შემოინახეს.

ანტიკორუფციული ბიურო ამოწმებს როგორც ხელისუფლების, ასევე ოპოზიციის წარმომადგენლებს. შემოგდებული და ბრიყვულად გავრცელებული ინფორმაცია რომ ბრიყვულია, აქედანაც კარგად ჩანს.

ჩვენ ანტიკორუფციული ბიურო იმისთვის შევქმენით, რომ ამოწმოს ყველა და ყველაფერი განურჩევლად პარტიული კუთვნილებისა და ქონებრივი მდგომარეობისა - მოწმდება გიორგი ცაგარეიშვილიც, კახა ოქრიაშვილიც და კობა ნაყოფიაც. მერე რა, რომ ამოწმებენ?! ჩვენს მიერ შექმნილი ბიურო გვამოწმებს ჩვენ და რამდენიმე ოპოზიციონერს - რა მერე... ამიხსენით რაშია აქ სენსაცია!" - განაცხადა გია ცაგარეიშვილმა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა