ზუგდიდში, „ერთიანი ნაციონალური მოძრაობის" აქტივისტმა გელა შედანიამ პარლამენტის დეპუტატს ანა წითლიძეს უჩივლა. მან სარჩელი ზუგდიდის პოლიციაში შეიტანა. შედანიას განცხადებით, წითლიძემ სოციალურ ქსელში გამოაქვეყნა პოსტი, რომელშიც მას ცილს სწამებს. მისივე თქმით, აღნიშნულ საკითხთან დაკავშირებით გამოძიება უნდა დაიწყოს.

„ყველამ კარგად წავიკითხეთ, თუ რა შეურაცხმყოფელი პოსტები დამიწერა ქალბატონმა წითლიძემ, რომელმაც ცილი დამწამა, თითქოს მე რაღაცების ქურდი ვარ. მივმართავ პოლიციას, რომ დაიწყოს ძიება, გარდა ამისა, მინდა იცოდეს საზოგადოებამ, თუ როგორი მორალის ადამიანი გვიზის დღეს პარლამენტში“, - განაცხადა გელა შედანიამ.