არსებული ინფორმაციით, კეკელიძის ქუჩაზე, სადაც აღსრულების ბიუროს მიერ საცხოვრებელი სახლიდან ოჯახის გამოსახლების პროცესი მიმდინარეობს, რამდენიმე პირი დააკავეს
არსებული ინფორმაციით, თბილისში, კეკელიძის ქუჩაზე, სადაც აღსრულების ეროვნული ბიუროს მიერ საცხოვრებელი სახლიდან ოჯახის გამოსახლების პროცესი მიმდინარეობს, რამდენიმე პირი დააკავეს.
თუ რამდენი ადამიანია დაკავებული, ეს ჯერ უცნობია. „ინტერპრესნიუსი“ დეტალებს შინაგან საქმეთა სამინისტროში არკვევს.
ცნობისთვის, კეკელიძის N1-ში პოლიცია შენობაში შესვლას ცდილობს, თუმცა, სადარბაზოში შესასვლელი რკინის კარი შედუღებულია. ადგილზე შეკრებილები არიან ოჯახის მხარდამჭერები, რომლებიც აღსრულების ეროვნული ბიუროს წარმომადგენლებს საშუალებას არ აძლევენ საცხოვრებელი სახლიდან ოჯახის გამოსახლების პროცესი დაიწყონ.
