გიორგი ამილახვარმა არაბთა გაერთიანებული საამიროების კაბინეტის საქმეთა მინისტრის მოადგილესთან კონკურენტუნარიანობისა და ცოდნის გაცვლის საკითხებში შეხვედრა გამართა

საქართველოს განათლების, მეცნიერებისა და ახალგაზრდობის მინისტრმა გიორგი ამილახვარმა არაბთა გაერთიანებული საამიროების კაბინეტის საქმეთა მინისტრის მოადგილესთან, კონკურენტუნარიანობისა და ცოდნის გაცვლის საკითხებში, აბდულლა ნასსერ ლუთასთან სამუშაო შეხვედრა გამართა. აღნიშნულთან დაკავშირებით ინფორმაციას განათლების სამინისტრო ავრცელებს.

მათი ცნობით, შეხვედრაზე მხარეებმა განათლებისა და მეცნიერების სფეროში მიმდინარე რეფორმები და სამომავლო თანამშრომლობის გაღრმავების გზები განიხილეს. საუბარი შეეხო ქვეყნებს შორის საგანმანათლებლო და სამეცნიერო კავშირების გაძლიერების საკითხებს.

არაბთა გაერთიანებული საამიროების კაბინეტის საქმეთა მინისტრის მოადგილემ, კონკურენტუნარიანობისა და ცოდნის გაცვლის საკითხებში გიორგი ამილახვარს არაბთა გაერთიანებული საამიროების პრემიერის სახელით მმართველობის საკითხებზე მსოფლიო სამიტზე დასასწრებად მოსაწვევი გადასცა, რომელიც 12-14 თებერვალს დუბაიში გაიმართება. როგორც მინისტრმა აღნიშნა, სამიტი წარმოადგენს მნიშვნელოვან პლატფორმას, რომელიც მეტად შეუწყობს ხელს საქართველოსა და არაბთა გაერთიანებული საამიროების პარტნიორობის განმტკიცებას.

აბდულლა ნასსერ ლუთამ მადლობა გადაუხადა გიორგი ამილახვარს თანამშრომლობისთვის და ერთობლივი საგანმანათლებლო და სამეცნიერო პროექტების განხორციელების მზაობა გამოხატა.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!