ისრაელს არ შეიძლება ვეტოს უფლება ჰქონდეს პალესტინელი ხალხის თვითგამორკვევის უფლებაზე. ამის შესახებ ევროკავშირის უმაღლესმა წარმომადგენელმა ჯოზეფ ბორელმა ბრიუსელში ეგვიპტის საგარეო საქმეთა მინისტრთან გამართულ ერთობლივ პრესკონფერენციაზე განაცხადა.

“ერთი რამ ნათელია - ისრაელს არ შეიძლება ვეტოს უფლება ჰქონდეს პალესტინელი ხალხის თვითგამორკვევის უფლებაზე.

გაერო აღიარებს და არაერთხელ უღიარებია პალესტინელი ხალხის თვითგამორკვევის უფლება. არავის არ შეუძლია ამაზე ვეტოს დადება,” - განაცხადა ბორელმა.

ცნობისთვის, ბორელი 22 იანვარს თავმჯდომარეობდა შეხვედრას, რომელსაც ესწრებოდნენ ევროკავშირის 27 წევრი სახელმწიფოს საგარეო საქმეთა მინისტრები, და ასევე ისრაელის, პალესტინის ეროვნული ადმინისტრაციისა და არაბული ქვეყნების მაღალი რანგის დიპლომატები.