ბიზნესისა და ტექნოლოგიების უნივერსიტეტის კოორდინირებით Erasmus+ ინსტიტუციური განვითარების მასშტაბური პროექტის - European Energy Efficiency towards Mutually Reinforcing Partnership with Georgia, Azerbaijan and Ukraine" - 3E-Partnership განხორციელება ევროკავშირის გადაწყვეტილებით დაიწყო. პროექტში ჩართულები არიან ბელგიის, იტალიის, ესპანეთის, უკრაინის, აზერბაიჯანისა და საქართველოს წამყვანი უნივერსიტეტები. პროექტს, ევროკავშირის გადაწყვეტილებით, BTU ხელმძღვანელობს.

პროექტის კონსორციუმის წევრები არიან უნივერსიტეტები და ინსტიტუციები ევროპის 6 ქვეყნიდან:

• ლუვენის კათოლიკური უნივერსიტეტი, ბელგია;
• მილანის პოლიტექნიკური უნივერსიტეტი, იტალია;
• ლა კორუნიას უნივერსიტეტი, ესპანეთი;
• ADA-ს უნივერსიტეტი, აზერბაიჯანი;
• ხაზარის უნივერსიტეტი, აზერბაიჯანი;
• საქართველოს ტექნიკური უნივერსიტეტი, საქართველო;
• იაკობ გოგებაშვილის სახელობის თელავის სახელმწიფო უნივერსიტეტი, საქართველო;
• ენერგოეფექტურობის ცენტრი, საქართველო;
• მეცნიერებისა და ტექნოლოგიების უკრაინის სახელმწიფო უნივერსიტეტი, უკრაინა;
• დონეცკის ეროვნული ტექნიკური უნივერსიტეტი, უკრაინა.

პროექტის გახსნის ღონისძიება 24-25 იანვარს ბიზნესისა და ტექნოლოგიების უნივერსიტეტში ჩატარდება.

3E-Partnership მასშტაბური პროექტია, რომელიც მიზნად ისახავს განახლებადი ენერგიებისა და ენერგო ეფექტურობის მიმართულებით რეგიონული თანამშრომლობის გაძლიერებას, ინსტიტუციების განვითარებას და ახალი, ინოვაციური ცოდნის შექმნას. ეს ყველაფერი კი ევროპელ პარტნიორებთან მჭიდრო თანამშრომლობით განხორციელდება.

მთავარი მიზნის მისაღწევად, დაგეგმილია:

• ენერგოეფექტურობის მიმართულებით, სასწავლო პროცესში ახალი, ინოვაციური კურიკულუმის დანერგვა, ასევე სწავლების ახალი მეთოდების იმპლემენტაცია;
• ქართულ და აზერბაიჯანულ უნივერსიტეტებში განახლებადი ენერგიების ლაბორატორიების შექმნა, ტექნიკური აღჭურვა და გაძლიერება;
• პროექტში ჩართულ მხარეებს შორის მჭიდრო პარტნიორობის ჩამოყალიბება და „მწვანე კავშირის“ შექმნა.

პროექტი 3 წლის განმავლობაში გაგრძელდება.

(R)