დიდი ბრიტანეთის საგარეო საქმეთა მინისტრი, დევიდ კამერონი დღეს ისრაელს ეწვევა. ამის შესახებ ინფორმაციას Sky News-ი ავრცელებს.

დევიდ კამერონი მის კოლეგას, ისრაელ კაცის, პრემიერ-მინისტრ, ბენიამინ ნეთანიაჰუსა და ომის კაბინეტის წევრებს შეხვდება. ასევე, დასავლეთ ნაპირზე, რამალაში, პალესტინის ეროვნული ადმინისტრაციის პრეზიდენტს, მაჰმუდ აბასს ეწვევა. ვიზიტის ფარგლებში დიდი ბრიტანეთის საგარეო საქმეთა მინისტრი ბენიამინ ნეთანიჰუს მოუწოდებს, რომ ღაზის სექტორისთვის წყლის, ელექტროენერგიისა და საწვავის მიწოდება აღადგინოს, ხოლო მაჰმუდ აბასთან შეხვედრისას იგი ორი სახელმწიფოს პრინციპზე დაფუძნებული გადაწყვეტის მიმართ დიდი ბრიტანეთის მხარდაჭერას დაადასტურებს. ისრაელის გარდა დევიდ კამერონი ოფიციალურ შეხვედრებს თურქეთსა და კატარშიც გამართავს.