საფრანგეთის პრეზიდენტი, ემანუელ მაკრონი ინდოეთში ჩავიდა. ამის შესახებ ინფორმაციას AFP-ი ავრცელებს.

AFP-ის ცნობით, ემანუელ მაკრონი ქალაქ ჯაიპურში ჩავიდა, სადაც მას წითელი ხალიჩა დახვდა. მოგვიანებით, საფრანგეთის პრეზიდენტის პატივსაცემად სამხედრო აღლუმი გაიმართება. საღამოს, ემანუელ მაკრონი სახელმწიფო ვახშამს დაესწრება, სადაც ინდოეთის პრემიერ-მინისტრ, ნარენდრა მოდის შეხვდება.

პარასკევს, ემანუელ მაკრონი ინდოეთის რესპუბლიკის დღის 75-ე წლისთავის აღნიშვნის ღონისძიებაზე საპატიო სტუმარი იქნება.

მედიის მიერ გავრცელებული ინფორმაციით, საფრანგეთის პრეზიდენტი ინდოეთში ორდღიანი ვიზიტის ფარგლებში ვაჭრობისა და თავდაცვის სფეროებში რამდენიმე შეთანხმებას გააფორმებს.