მართლმსაჯულების საერთაშორისო სასამართლომ ისრაელს ღაზაში გენოციდის თავიდან აცილება დაავალა

მართლმსაჯულების საერთაშორისო სასამართლოს განცხადებით, მას აქვს იურისდიქცია სამხრეთ აფრიკასა და ისრაელს შორის დავის თაობაზე იმასთან დაკავშირებით, შეიძლება თუ არა ისრაელის ქმედებები ღაზაში გენოციდს წარმოადგენდეს.

„სასამართლოს აზრით, ზოგიერთი ქმედება და უმოქმედობა, რომელიც სამხრეთ აფრიკის ვარაუდით ისრაელმა ღაზაში ჩაიდინა, როგორც ჩანს, შეიძლება მოხვდეს გენოციდის კონვენციის დებულებებში“, - განაცხადა მოსამართლემ ჯოან დონოგიუმ.

მისი თქმით, სასამართლომ უარყო ისრაელის მოთხოვნა საქმის ზოგადი სიიდან ამოღების შესახებ.

„სასამართლო მიიჩნევს, რომ არ შეუძლია დაეთანხმოს ისრაელის მოთხოვნას, საქმის ზოგადი სიიდან ამოღებასთან დაკავშირებით“, - აღნიშნა მოსამართლემ.

მისი თქმით, სასამართლომ გადაწყვიტა, რომ ისრაელმა უნდა მიიღოს ყველა ზომა მისი უფლებამოსილების ფარგლებში, რათა თავიდან აიცილოს გენოციდის კონვენციით გათვალისწინებული ყველა ქმედება.

მოსამართლის განმარტებით, ისრაელმა დაუყოვნებლივ უნდა უზრუნველყოს, რომ მისმა ძალებმა არ ჩაიდინონ გენოციდის კონვენციით გათვალისწინებული რომელიმე ქმედება.

მართლმსაჯულების საერთაშორისო სასამართლოს გადაწყვეტილებით, ისრაელმა ასევე უნდა მიიღოს სასწრაფო ზომები ღაზაში ჰუმანიტარული მდგომარეობის გასაუმჯობესებლად.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო