დანიის მიერ უკრაინისთვის F-16 თვითმფრინავების გადაცემის მომზადება გეგმის შესაბამისად მიმდინარეობს, - ამის შესახებ უკრაინის საგარეო საქმეთა მინისტრმა დმიტრო კულებამ ნიკოლაევში დანიელ კოლეგა ლარს ლეკე რასმუსენთან გამართულ ერთობლივ პრესკონფერენციაზე განაცხადა.

„დიდი მადლობა ლარსს გარანტიისთვის, რომ დანიის მიერ [უკრაინისთვის] F-16 თვითმფრინავების გადაცემის მომზადება გეგმის შესაბამისად მიმდინარეობს. ამ პროგრამის ჩაშლის ჯერ არანაირი საფრთხეები არ არსებობს. ეს ნიშნავს, რომ დანია თავისი სიტყვის ერთგულია და F-16 თვითმფრინავები, რომლებსაც დანია პირველი დაჰპირდა უკრაინას, ჩვენს საჰაერო სივრცეში იქნებიან, ჩვენი სახელმწიფოს დაცვაში დაგვეხმარებიან“, - განაცხადა კულებამ.

მან აღნიშნა, რომ F-16 თვითმფრინავების გადაცემის შესახებ გადაწყვეტილება ისტორიული იყო და „ყველაფერი გეგმის შესაბამისად მიმდინარეობს.”