ირანში პაკისტანის საზღვართან ახლოს შეიარაღებულმა პირებმა უცხო ქვეყნის 9 მოქალაქე მოკლეს. ამის შესახებ ინფორმაციას ირანული საინფორმაციო სააგენტო Mehr-ი ავრცელებს.

„მოწმეების თქმით, დღეს დილით უცნობმა შეიარაღებულმა პირებმა სისტანისა და ბელუჯისტანის პროვინციაში, ქალაქ სარავანში მდებარე სახლში 9 უცხოელი მოკლეს“, - აცხადებს ირანული მედია.

მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

შეგახსენებთ, გასულ კვირას ირანმა და პაკისტანმა ბელუჯისტანის სასაზღვრო რეგიონში ერთმანეთის წინააღმდეგ სარაკეტო დარტყმები განახორციელეს.