იენს სტოლტენბერგი - უკრაინა, გარკვეულ ეტაპზე, ალიანსის სრულუფლებიან წევრად უნდა მოვიწვიოთ

ნატო-ს გენერალური მდივანი, იენს სტოლტენბერგი აცხადებს, რომ ალიანსმა და შეერთებულმა შტატებმა უკრაინის მხარდაჭერა უნდა განაგრძონ და ასევე, გარკვეულ ეტაპზე, უკრაინა ნატო-ს სრულუფლებიან წევრად უნდა მიიწვიონ.

სტოლტენბერგის თქმით, ძალიან მნიშვნელოვანია, რომ უკრაინაში პუტინმა არ მიაღწიოს იმას, რაც სურს, რადგან ეს იქნება წახალისება სხვა ავტორიტარული რეჟიმებისთვის.

„დღეს ეს არის უკრაინა, ხვალ ეს შეიძლება იყოს ტაივანი. აქედან გამომდინარე, ჩვენთვის, შეერთებული შტატებისთვის კარგია უკრაინის მხარდაჭერა და ასევე გარკვეულ ეტაპზე მათი მოწვევა ალიანსის სრულუფლებიან წევრად“, - განაცხადა ნატო-ს გენერალურმა მდივანმა.

მისი თქმით, მნიშვნელოვანია, უკრაინამ მიიღოს უწყვეტი მხარდაჭერა და რომ პეკინი ყურადღებით ადევნებს თვალს პუტინის უკრაინაში შეჭრაზე მოკავშირეების პასუხს.

„მნიშვნელოვანია ის, რომ უკრაინამ მუდმივი მხარდაჭერა მიიღოს, რადგან უნდა გავაცნობიეროთ, რომ ამას პეკინში ყურადღებით ადევნებენ თვალს“, - აღნიშნა სტოლტენბერგმა.

მისი თქმით, აშშ, ევროპა და მსოფლიოს სხვა ნაწილები უფრო დაუცველი გახდება, თუ პუტინი მიიღებს იმას, რაც სურს.

ცნობისთვის, იენს სტოლტენბერგი ამ კვირაში აშშ-ის თავდაცვის სფეროს მაღალჩინოსნებს და კანონმდებლებს შეხვდება, რათა უკრაინის დაფინანსების გაგრძელების საკითხი განიხილოს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია