ეროვნული ბანკის მიერ ორგანიზებულ მასწავლებლების კონკურსში „საქართველოს ბანკის“ რჩეული გამოვლინდა

ეროვნული ბანკის მიერ ორგანიზებულ მასწავლებლების კონკურსში „საქართველოს ბანკის“ რჩეული გამოვლინდა. ამის შესახებ ინფორმაციას „საქართველოს ბანკი“ ავრცელებს.

ბანკის ცნობითვე, აღნიშნულ კონკურსში მონაწილეობა 65-მა კონკურსანტმა მიიღო, მათგან კი ფინალურ ტურში 20 მასწავლებელი გადავიდა.

„საქართველოს ბანკი“ ფინანსური განათლების ხელშეწყობას განაგრძობს. სწორედ ამ მიზნით ფინანსური ინსტიტუტი არაერთ ინიციატივას ახორციელებს და უჭერს მხარს.

მოსწავლეებსა და მასწავლებლებში ფინანსური განათლების დონის ამაღლების და ამ მიმართულების პოპულარიზაციის მიზნით, „საქართველოს ბანკი“ საქართველოს ეროვნული ბანკის პროექტის „ფინანსური განათლება სკოლაში“ მხარდამჭერია.

მათივე ინფორმაციით, კონკურსის ფარგლებში, მონაწილეებს უნდა შეემუშავებინათ საკლასო აქტივობებში ფინანსური განათლების კომპონენტების ინტეგრირების სახალისო გზები, რომელიც გრძელვადიან პერიოდში ხელს შეუწყობს მოსწავლეთა შორის ფინანსური განათლების მიმართ ინტერესის ჩამოყალიბებას და ფინანსური განათლების საკითხების შესწავლის პროცესის ეფექტურობის ზრდას.

შედეგად, ჟიურიმ სამი გამარჯვებული დაასახელა. დამატებით „საქართველოს ბანკმა“ საკუთარი რჩეული გამოავლინა - სურამის მეოთხე საჯარო სკოლის პედაგოგი, ინგა გოგალაძე. მისი იდეა დაზოგვის/პირადი ბიუჯეტირების კატეგორიაში იყო წარდგენილი და არდადეგების ფინანსურ დაგეგმვას შეეხებოდა.

„საქართველოს ბანკმა“ ერთ-ერთ გამარჯვებულს და საკუთარ რჩეულს ფულადი ჯილდოები გადასცა.

„საქართველოს ბანკი“ მიზნად ისახავს, ხელი შეუწყოს ქვეყანაში ფინანსური განათლების დონის ამაღლებას და ახალგაზრდებში ეკონომიკური აზროვნების ჩამოყალიბებას. სწორედ ამ მიზნით, ჩვენ არაერთ პროექტს ვახორციელებთ და ვუჭერთ მხარს. ამ კუთხით, ერთ-ერთ გამორჩეულ ინიციატივას საქართველოს ეროვნული ბანკის მასწავლებლების კონკურსი წარმოადგენს. კონკურსის მიზანია, ხელი შეუწყოს მასწავლებელთა დაინტერესებას ფინანსური განათლებით, მოახდინოს მისი სხვადასხვა ასპექტის პოპულარიზაცია და ფინანსური წიგნიერების საკითხების დამხმარე მასალების შეკრება. რაც თავისთავად, სასწავლო პროცესის ეფექტურობის გაზრდას განაპირობებს. გვახარებს კონკურსის მიმართ გამოვლენილი დაინტერესება და მონაწილეების მხრიდან მიღებული პოზიტიური უკუკავშირი. ვიმედოვნებთ, რომ მომავალში კიდევ უფრო მეტად გაიზრდება ფინანსური განათლების მიმართ მასწავლებლებისა და მოსწავლეების ინტერესი“, - აღნიშნავენ „საქართველოს ბანკის“ გუნდში.

ინფორმაციისთვის, მასწავლებლების კონკურსი ფინანსური განათლების პლატფორმა „ფინედუს“, საქართველოს განათლებისა და მეცნიერების სამინისტროს და სსიპ საქართველოს დაზღვევის სახელმწიფო ზედამხედველობის სამსახურის თანაორგანიზებით, პარტნიორ კომპანიებთან ერთად გაიმართა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას