არ ვიცი, რატომ გახდა საჭირო ცვლილებები, მაგრამ საქმისთვის მხოლოდ უკეთესი იქნება, - ამის შესახებ "ხალხის ძალის" წევრმა, უმრავლესობის დეპუტატმა ეკა სეფაშვილმა განაცხადა, რითაც გამოეხმაურა ინფორმაციას იმის თაობაზე, რომ პრემიერ-მინისტრის პოსტზე ირაკლი ღარიბაშვილს ირაკლი კობახიძე ჩაანაცვლებს, რომელიც მმართველი პარტიის თავმჯდომარის პოსტს იკავებს, ამ პოსტს კი კობახიძის ნაცვლად, ღარიბაშვილი დაიკავებს.
სეფაშვილი აცხადებს, რომ ცვლილებებში ცუდი არაფერია.
„მიზეზების შესახებ ვერ გეტყვით, ვერ გესაუბრებით, მაგრამ ვფიქრობ, ასეთი საკადრო გადაადგილებები საქმისთვის იქნება უკეთესი“, - განაცხადა სეფაშვილმა.
„იმედის“ ინფორმაციით, პრემიერ-მინისტრის თანამდებობაზე ირაკლი ღარიბაშვილს ირაკლი კობახიძე შეცვლის.
