შალვა პაპუაშვილი - ანტიკორუფციული ბიუროს, საგამოძიებო სამსახურისა და პერსონალურ მონაცემთა დაცვის სამსახურთან დაკავშირებით ცვლილებებს, კანონპროექტის სახით, 2 კვირაში სამუშაო შეხვედრაზე წარვადგენთ
ანტიკორუფციული ბიუროს, საგამოძიებო სამსახურისა და პერსონალურ მონაცემთა დაცვის სამსახურთან დაკავშირებით ცვლილებებს, კანონპროექტის სახით, 2 კვირაში სამუშაო შეხვედრაზე წარვადგენთ, - ამის შესახებ ჟურნალისტებთან პარლამენტის თავმჯდომარე შალვა პაპუაშვილმა განაცხადა.
როგორც მან აღნიშნა, კანონპროექტების წარმოდგენის ვადა მიმდინარე პროცესების გამო, ორი კვირით გადაიწევს. პაპუაშვილი იმედს გამოთქვამს, რომ ცვლილებებთან დაკავშირებით ოპოზიციასთან შეთანხმება მიიღწევა.
„სამოქმედო გეგმაზე სამუშაო შეხვედრაზე გვქონდა საუბარი. გამომდინარე იქიდან, რომ გარკვეულმა პროცესებმა გადაიწია და ჩვენ ორი კვირით ვადები შეთანხმებით გავახანგრძლივეთ. როგორც იცით ჩვენ 2 კვირაში კვლავ გვექნება შეხვედრა ოპოზიციასთან იმავე ფორმატში. იქ უკვე წარვადგენთ კანონპროექტის სახით როგორც ანტიკორუფციულ, ისე საგამოძიებო სამსახურის და პერსონალურ მონაცემთა სამსახურთან დაკავშირებით ცვლილებებს და გვექნება უკვე კანონპროექტებზე მსჯელობა. ვნახოთ, იმედია შევთანხმდებით“, - განაცხადა პაპუაშვილმა.
v-if="article.gallery" v-html="article.gallery"
