ზურა მახარაძე - ბექა ვარდოსანიძეს „მეილი ჩაუდეს“ და ახლა ზის სუს-ში - ეს არის პოლიტიკური ანგარიშსწორება

„ალტ-ინფოს“ წევრის, ბექა ვარდოსანიძის მხარდასაჭერად, სახელმწიფო უსაფრთხოების სამსახურთან, „ალტ-ინფოს“ წევრები მივიდნენ.

ორგანიზაციის წარმომადგენლის, ზურა მახარაძის თქმით, სუს-ის მიერ ბექა ვარდოსანიძის მიმართ ძიების დაწყება, პოლიტიკურ ანგარიშსწორებას უკავშირდება. მახარაძე აღნიშნულს ბიძინა ივანიშვილის ბრძანებად მიიჩნევს და შემდეგ კომენტარს აკეთებს: „აბა, მეილის გამო, რომ კაცი აეყვანოთ, საქართველოს ისტორიაში ჯერ არ მომხდარა“.

„იმდენად დისკომფორტული გახდა კონსერვატიულ ფლანგზე ვარდოსანიძე, რომ „მეილი ჩაუდეს“ და ახლა ზის აქ. მეილის გამო, რომ კაცი აეყვანოთ, საქართველოს ისტორიაში ჯერ არ მომხდარა. ველოდებით, სიტუაციაში უნდა გავერკვიოთ. განცხადებაა, რომ მოწმის სტატუსით იკითხება... ასე, ყველა მოწმის სტატუსით იკითხება. ეს ხელისუფლება სანამდე გაუბერავს, ამის ზუსტი მონაცემები არ გვაქვს, ეს პრაქტიკაში გაირკვევა. ამიტომ, ეს არის პოლიტიკური ანგარიშსწორება“, - აცხადებს მახარაძე.

თავის მხრივ, გურამ ფალავანდიშვილის თქმით, მხარდამჭერებს სუს-ის მიერ გავრცელებული ინფორმაციის არ სჯერათ.

„ბექა ყოველთვის მოდიოდა ჩვენ რომ გვიჭერდნენ. ჩვენც, ისედაც ვალდებულნი ვართ, რომ მოვიდეთ აქ. მე პირადად არ მჯერა, რომ ბექა ვარდოსანიძე ტერორისტულ აქტებზე მესიჯებს გზავნიდეს, არ მგონია, ამას გამოვრიცხავ. არ არის გამორიცხული, რომ ეს იყო პროვოცირებული, კონკრეტულად კი, დასავლეთიდან, რომელსაც ბექა ვარდოსანიძე არ წყალობდა“, - განაცხადა ფალავანდიშვილმა.

ამასთან, სუს-თან პოლიციაა მობილიზებული.

ცნობისთვის, სახელმწიფო უსაფრთხოების სამსახურში ტერორიზმის შესახებ ცრუ შეტყობინების ფაქტზე, კონტრტერორისტულმა ცენტრმა ბექა ვარდოსანიძის სახლში ჩხრეკა ჩაატარა. სუს-ის ინფორმაციით, კონკრეტული პირის ელექტრონული ფოსტიდან, სხვადასხვა უწყებაში გაიგზავნა ტერორისტული შინაარსის მუქარის შემცველი შეტყობინებები, რაც დაკავშირებული იყო აფეთქებებთან.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას