ბაზისბანკი და ქართულ ტექნოლოგიურ ბაზარზე ერთ-ერთი წამყვანი IT კომპანია AzRy წელიწადზე მეტია წარმატებით თანამშრომლობენ, ბანკის მიერ კომპანიის პროგრამული გადაწყვეტილებების გამოყენების მიმართულებით, რაც მნიშვნელოვნად უმარტივებს ბაზისბანკის მომხმარებელს სხვადასხვა საბანკო სერვისებით სარგებლობას.

ბაზისბანკსა და AzRy-ს პარტნიორობის შედეგად ბოლო ერთ-ერთი წარმატებული პროექტი, რომელიც ბანკში დაინერგა, არის ფულადი გზავნილების მოდული, რაც გულისხმობს ბანკის ფილიალებში გზავნილის მარტივ, ერთ სივრცეში მართვას როგორც ნაღდი, ასევე უნაღდო ანგარიშსწორების კუთხით. ბაზისბანკის მომხმარებელს შესაძლებლობა აქვს მიიღოს თანხა დროის მოკლე მონაკვეთში სალაროს მეშვეობით ან დაირიცხოს გზავნილი ბაზისბანკში არსებულ პირად ანგარიშზე.

აღნიშნული პროექტის დანერგვის პარალელურად, ფულადი გზავნილების მიმართულებით ბაზისბანკს კიდევ ერთი სასიამოვნო სიახლე აქვს. ბანკმა თანამშრომლობა დაიწყო ფულადი გზავნილების ბაზარზე ერთ-ერთ ლიდერ ამერიკულ სისტემასთან - Ria, რომელიც 1987 წლიდან ოპერირებს და გასული წლის არსებული სტატისტიკის შესაბამისად ქართულ ბაზარზე მესამე ადგილზეა რეიტინგული ფულადი გზავნილების სისტემებს შორის. Ria-ს მეშვეობით გზავნილის მიღება და გაგზავნა მსოფლიოს 190-ზე მეტ ქვეყანაში, 540 000-ზე მეტი პუნქტის მეშვეობით არის შესაძლებელი.

(R)