"ევროპის უნივერსიტეტის" ენდოკრინოლოგიის დეპარტამენტის ორგანიზებით ქრონიკული დაავადებების შესახებ პირველი მასშტაბური კონფერენცია გაიმართა
31 იანვარს საქართველოს პარლამენტის ეროვნული ბიბლიოთეკის საგამოფენო დარბაზში "ევროპის უნივერსიტეტის" აფილირებული პროფესორის და ენდოკრინოლოგიის დეპარტამენტის ხელმძღვანელის რამაზ ყურაშვილის ორგანიზებით კონფერენცია თემაზე: "ქრონიკული დაავადებების რისკის ფაქტორებიდან ინტერვენციულ პრევენციამდე" გაიმართა. ამის შესახებ ინფორმაციას „ევროპის უნივერსიტეტი“ ავრცელებს.
მათივე ცნობით, კონფერენციაზე ასევე გაიმართა რამაზ ყურაშვილის ავტორობით გამოცემული წიგნის "დიაბეტის ლექსიკონი - ტერმინები და მათი განსაზღვრა" პრეზენტაცია.
“კონფერენციაზე მოხსენებით "ევროპის უნივერსიტეტის" ენდოკრინოლოგიის დეპარტამენტის პროფესორ-მასწავლებლები: - "ევროპის უნივერსიტეტის" აფილირებული პროფესორი, ენდოკრინოლოგიის დეპარტამენტის ხელმძღვანელი რამაზ ყურაშვილი, "ევროპის უნივერსიტეტის" აფილირებული ასოცირებული პროფესორი ლალი ნიკოლეიშვილი, "ევროპის უნივერსიტეტის" ასოცირებული პროფესორი მედეა ამაშუკელი, "ევროპის უნივერსიტეტის" ასისტენტ პროფესორი ნათია ჩხეიძე, "ევროპის უნივერსიტეტის" მოწვეული ლექტორი თამარ ზერეკიძე, "ევროპის უნივერსიტეტის" პროფესორი მაკა ბულეიშვილი წარდგნენ”, - ნათქვამია ინფორმაციაში.
