იოავ გალანტი - ისრაელის სამხედროები ხან იუნისში წარმატებას აღწევენ

ისრაელის სამხედრო ოპერაცია ღაზას სამხრეთ ნაწილში, ხან იუნისში პროგრესს აღწევს და შთამბეჭდავ შედეგებს იძლევა, - ამის შესახებ ისრაელის თავდაცვის მინისტრმა, იოავ გალანტმა განაცხადა.

„ჩვენ ვასრულებთ ჩვენს მისიებს ხან იუნისში და ასევე მივაღწევთ რაფაჰს და აღმოვფხვრით ტერორისტულ ელემენტებს, რომლებიც გვემუქრებიან“, - აღნიშნა იოავ გალანტმა.

მისი თქმით, ისრაელს სამხედრო ოპერაციები მძევლების დაბრუნებასთან აახლოებს.

„ისრაელის სამხედრო ოპერაციები, რომელთა სამიზნე მიწაზე და მიწის ქვეშ ტერორისტები არიან, მძევლების დაბრუნებასთან გვაახლოებს, რადგან „ჰამასი“ მხოლოდ ზეწოლაზე რეაგირებს“, - აღნიშნა გალანტმა.

მისი თქმით, ისრაელის ძალებმა ამ დრომდე „ჰამასის“, დაახლოებით, 10 000 მებრძოლი გაანადგურეს, კიდევ 10 000 კი - დაჭრილია.

"ეს არის სერიოზული დარტყმა, რომელიც ანადგურებს „ჰამასის“ შესაძლებლობებს,“- აღნიშნა ისრაელის თავდაცვის უწყების ხელმძღვანელმა.

პაატა ზაქარეიშვილი - ჟენევის ფორმატი შეიქმნა რუსეთ-საქართველოს ომის შემდეგ და მას არანაირი კავშირი არ აქვს სოხუმთან და ცხინვალთან, რადგან ლავროვი ამას სოხუმის ხელით აკეთებს, ეს უფრო არის პიარი, პროპაგანდა და დემაგოგია
ქართული პრესის მიმოხილვა 29.02.2024
საქართველოს უნივერსიტეტმა 100 000-ლარიანი ფონდის გამარჯვებული პირველკურსელები გამოავლინა
ბერლინის ფილარმონიული ორკესტრის ევროპაკონცერტი წინანდალში
საერთაშორისოდ ცნობილი ბრენდები ევროპროდუქტში