ბევრი ექსპერტი ამბობს, რომ ირაკლი კობახიძე დააწინაურეს, მე ვიტყვი, რომ ის არ დააწინაურეს - CV-ში შეიძლება ჩაწეროს, რომ იყო პრემიერ-მინისტრი, მაგრამ არც ირაკლი კობახიძისთვის არ ხდება უკეთესი, - ასე ეხმაურება „სტრატეგია აღმაშენებლის“ გენერალური მდივანი, პაატა მანჯგალაძე ირაკლი კობახიძის პრემიერ-მინისტრობის კანდიდატურას.

მისივე თქმით, ადამიანი, რომელიც საკანონმდებლო ორგანოს რეალურად მართავდა და ფლობდა ძალაუფლებას, „გადაიყვანეს მთავრობაში, სადაც არავინ არაფერს არ ეკითხება”.

„ირაკლი კობახიძემ თავი ქართველ ხალხს, სამწუხაროდ, მხოლოდ ე.წ რუსული კანონით დაამახსოვრა. რუსული კანონის მთავარი მხარდამჭერი ირაკლი კობახიძე იყო. ახლა „ქართული ოცნება“ ეიფორიაშია. ბევრი ექსპერტი ამბობს, რომ ირაკლი კობახიძე დააწინაურეს, მე ვიტყვი, რომ ის არ დააწინაურეს. თუ ვინმეს ჰგონია, რომ ირაკლი კობახიძე დააწინაურეს, მაშინ მოიკითხონ სად არიან „ქართული ოცნების” წინა პრემიერ-მინისტრები. საქართველოს პარლამენტში ირაკლი კობახიძეს ჰქონდა 100%-იანი ტოტალ კონტროლი დაწესებული ერთ-ერთ შტოზე - საკანონმდებლო ორგანოზე. ეგ არის დაწინაურება? ადამიანი, რომელიც საკანონმდებლო ორგანოს რეალურად მართავდა და ფლობდა ძალაუფლებას, გადაიყვანეს მთავრობაში, სადაც არავინ არაფერს არ ეკითხება. CV-ში შეიძლება ჩაწეროს, რომ იყო პრემიერ-მინისტრი, მაგრამ არც ირაკლი კობახიძისთვის არ ხდება უკეთესი”, - განაცხადა პაატა მანჯგალაძემ.