გივი მიქანაძე იაპონიის ელჩს შეხვდა

პარლამენტის განათლების, მეცნიერების და ახალგაზრდულ საქმეთა კომიტეტის თავმჯდომარე გივი მიქანაძე საქართველოში იაპონიის ელჩს, იშიძუკა ჰიდეკის შეხვდა.

საქართველოს პარლამენტის ცნობით, შეხვედრაზე მხარეებმა სხვადასხვა მიმართულებით სამომავლო თანამშრომლობის პერსპექტივებზე ისაუბრეს. განიხილეს საპარლამენტო კავშირების გაღრმავების მიზნით, განათლების, მეცნიერებისა და ახალგაზრდულ საკითხთა კომიტეტის წევრების იაპონიაში ვიზიტისა და მაღალი დონის შეხვედრების უზრუნველყოფის საკითხი. საუბარი შეეხო ორი ქვეყნის უმაღლეს საგანმანათლებლო დაწესებულებებს შორის ურთიერთობების გაღრმავებას.

ამასთან, ნათქვამია, რომ განსაკუთრებული ყურადღება გამახვილდა განათლების სექტორში ინფრასტრუქტურულ და სხვა სახის მხარდაჭერაზე.

„ვისაუბრეთ იმ მნიშვნელოვან მხარდაჭერაზე, რომელსაც იაპონია ახორციელებს საქართველოსთან მიმართებაში. კერძოდ, იაპონელი ექსპერტი ჩართულია სკოლამდელი აღზრდის დაწესებულებების ავტორიზაციის პროცესში, რომელიც განათლების, მეცნიერების და ახალგაზრდობის სამინისტროს ეხმარება. ელჩს ვთხოვეთ აღნიშნული მიმართულებით ექსპერტს გაუგრძელდეს საკუთარი მანდატი. ვისაუბრეთ დმანისის მუნიციპალიტეტში ქართულენოვანი საბავშვო ბაღის აშენებისა და საქართველოს პარლამენტის სტამბისთვის იაპონური დანადგარების გადმოცემის საკითხებზე.

შეხვედრაზე განხილულ ყველა თემას, იაპონიის ელჩის მხრიდან, პირველ ეტაპზე, დადებითი გამოხმაურება მოყვა. შევთანხმდით, რომ სხვადასხვა საკითხზე გაგრძელდება კომუნიკაცია და თანამშრომლობა მათი განხორციელების თვალსაზრისით", - განაცხადა გივი მიქანაძემ შეხვედრის დასრულების შემდეგ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!