ისრაელის პრემიერ-მინისტრმა ბენიამინ ნეთანიაჰუმ ბოლომდე არ გამორიცხა ორი სახელმწიფოს პრინციპი, - ამის შესახებ დიდი ბრიტანეთის საგარეო საქმეთა მინისტრმა დევიდ კემერონმა ლიბანურ ტელეარხ LBCI-სთან ინტერვიუში განაცხადა.

კემერონმა აღნიშნა, რომ დადგება დრო, როდესაც დიდი ბრიტანეთი პალესტინური სახელმწიფოს აღიარებას განიხილავს, მათ შორის გაეროშიც.

„ეს არ შეიძლება პროცესის დასაწყისში იყოს. პროცესი უნდა გრძელდებოდეს. მაგრამ პროცესის დასასრულშიც არ უნდა იყოს…

ჩემი მისადმი მესიჯი იყო, რომ დაიწყოს იმაზე საუბარი თუ როგორი შეიძლება იყოს პალესტინური სახელმწიფო, იმის ნაცვლად თუ როგორი არ შეიძლება იყოს. ამაზე უნდა ვმუშაობდეთ”, - განაცხადა კემერონმა.

მან ასევე აღნიშნა, რომ ნეთანიაჰუმ “ბოლომდე არ გამორიცხა ორი სახელმწიფოს პრინციპი”.