აშშ-ის მიერ ჩვენი ტერიტორიის ოკუპაციის გაგრძელება დაუშვებელია, - ამის შესახებ სირიის მთავრობამ განაცხადა.

სირიის მთავრობის ცნობით, სირიის ტერიტორიაზე ირანის მიერ მხარდაჭერილი დაჯგუფებების ობიექტებზე აშშ-ის მიერ განხორციელებული საჰაერო იერიშების შედეგად რამდენიმე მშვიდობიანი მოქალაქე და ჯარისკაცი დაიღუპა.

„აშშ-ის თავდასხმების შედეგად არაერთი მშვიდობიანი მოქალაქე და ჯარისკაცი დაიღუპა, სხვები დაშავდნენ, მნიშვნელოვნად დაზიანდა სხვადასხვა საჯარო და კერძო საკუთრება“, - აცხადებს სირიის შეიარაღებული ძალები.

„აშშ-ის სამხედრო ძალების მიერ სირიის ტერიტორიის ნაწილის ოკუპაციის გაგრძელება არ შეიძლება. შეიარაღებული ძალები სირიის ტერიტორიის ტერორიზმისგან და ოკუპაციისგან გასათავისუფლებლად ყველაფერს გააკეთებს“, - ნათქვამია სირიის მთავრობის განცხადებაში.

შეგახსენებთ, დღეს, იორდანიაში აშშ-ის სამხედრო ბაზაზე განხორციელებული თავდასხმის საპასუხოდ, აშშ-მა ერაყსა და სირიაში ირანის მიერ მხარდაჭერილი დაჯგუფებების ობიექტებზე საჰაერო დარტყმები განახორციელა.