საქართველოს სათხილამურო კურორტზე გუდაურში 3- დღიანი ფესტივალი „გიზ-გიზი" იმართება.

ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს.

მათივე ცნობით, ფესტივალზე დასწრება თავისუფალია.

„ფესტივალის ფარგლებში, ჩემპიონატების პერიოდში, დამსვენებლის მოსაზიდად ზამთრის გასართობი სოფლები, პერფორმანსი, თამაშები და გასართობი აქტივობები მოეწყო. მთელი დღის განმავლობაში მუსიკალურ გაფორმებაზე იზრუნებენ ბენდები და დიჯეები. მოეწყო სამეწარმეო ბაზარი ზამთრის, სრიალისა და მთის თემატიკის შესახებ, ასევე კვების სივრცეები, ბარი, ფოტო და საბავშვო ზონები“,- ნათქვამია ინფორმაციაში.

ტურიზმის ადმინისტრაციის განმარტებით, ფესტივალი „გიზ-გიზი" 2-4 თებერვალს გუდაურში, 9-11 თებერვალს ბაკურიანში, 17-18 თებერვალს გოდერძიზე, ხოლო 1-3 მარტს მესტიაში ჩატარდება.