პაატა მანჯგალაძე - „ქართულ ოცნებას“ 2012 წლიდან არც ერთი დაპირება არ შეუსრულებია და რა სინდისით მოდიან საერთოდ კიდევ ხალხთან სასაუბროდ?!
საქართველოს მთავრობას არ ვიხილავთ ჩვენ, ჩვენ ვიხილავთ ბიძინა ივანიშვილის სამსახურში მყოფ მთავრობას - „ქართულ ოცნებას" 2012 წლიდან არც ერთი დაპირება არ შეუსრულებია და რა სინდისით მოდიან საერთოდ კიდევ ხალხთან სასაუბროდ?! - ამის შესახებ "სტრატეგია აღმაშენებლის" დეპუტატმა, პაატა მანჯგალაძემ განაცხადა.
მისივე თქმით, ეს არ არის მთავრობა, რომელიც ხალხის სამსახურში დგას.
„საქართველოს მთავრობას არ ვიხილავთ ჩვენ, ჩვენ ვიხილავთ ბიძინა ივანიშვილის: ერთი ადამიანის სამსახურში მყოფ მთავრობას. ეს არ არის მთავრობა, რომელიც ხალხი სამსახურში დგას და ამისთვის მოვედი, შევახსენო მათ, რომ ისინი არ წარმოადგენენ საქართველოს მოქალაქეს.
მთავარი საკითხი არის ის, რომ რა დაპირებებიც „ქართულმა ოცნებამ" 2012 წელს გასცა, არც ერთი არ არის შესრულებული და რა უფლებით, რა სინდისით მოდიან საერთოდ კიდევ ხალხთან სასაუბროდ?!" - განაცხადა მანჯგალაძემ.
