საქართველოს კონკურენციისა და მომხმარებლის დაცვის სააგენტოში, 2024 წლის იანვრის თვეში, მომხმარებელთა უფლებების დაცვის მიმართულებით, 60 განაცხადი დაფიქსირდა.

კონკურენციის სააგენტოს განმარტებით, აღნიშნულ პერიოდში, სააგენტოს გადაწყვეტილებით, მომხმარებელთა ჯგუფის უფლების 1 დარღვევის ფაქტი დადასტურდა.

„სააგენტოს მიერ დაკისრებული ვალდებულების შეუსრულებლობის გამო 2 მოვაჭრეს, 1 200 ლარის ოდენობით ჯარიმა დაეკისრა. მომხმარებლის სასარგებლოდ, პირობითი ვალდებულების აღების შესახებ 14 საქმეზე - 13 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულება - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, მათი სავაჭრო პოლიტიკის შედეგად ზიანი მიადგა.

მომხმარებლის მიერ შემოსული განაცხადების 73% ონლაინ ვაჭრობის ფაქტს ეხება, ხოლო 27% ნივთის ადგილზე შეძენის შემთხვევას. რეგიონების მიხედვით, 92%-ით თბილისი ლიდერობს, შემდეგ ადგილებს იკავებენ , ქვემო ქართლი -4%-ით, შიდა ქართლი - 2%-ით და გურია 2%-ით.

მომხმარებლის მიერ სააგენტოში შემოსული განაცხადების მიხედვით, ნაკლიანი ნივთის შეკეთებასა ან დაბრუნებაზე დაფიქსირდა -17, ნაკლოვანი მომსახურებისას უფლების აღდგენაზე- 14, თანხის უკან დაბრუნების მოთხოვნაზე- 14, ნივთის უპირობოდ დაბრუნებაზე -6, დადგენილ ვადაში საქონლის მიწოდებაზე -4, ხოლო სხვა დანარჩენი- 5.

საანგარიშო პერიოდში, შემოსული განაცხადების მიხედვით, 76%-ს საბითუმო და საცალო ვაჭრობის სექტორი იკავებს, ტრანსპორტი და დასაწყობება -13%-ს, ხელოვნება, გართობა და დასვენება- 2%-ს, ჯანდაცვა და სოციალური მომსახურება- 2%-ს, ხოლო სხვა სახის საქმიანობა- 7%-ს.

თუ თვლით, რომ თქვენი, როგორც მომხმარებლის, უფლებები დაირღვა, შეგიძლიათ დარეკოთ საქართველოს კონკურენციისა და მომხმარებლის დაცვის სააგენტოს ცხელ ხაზზე - 598 05 44 22, ან მოგვწეროთ ელ. ფოსტაზე - consumer@gcca.gov.ge.“- ნათქვამია ინფორმაციაში.