საქართველოს ბიზნეს ასოციაციის წევრი, დეველოპერული კომპანია „მეტროპოლი“ გახდა

უძრავი ქონების დეველოპერული კომპანია „მეტროპოლი”, საქართველოს ბიზნეს ასოციაციის წევრი გახდა. ამის შესახებ ინფორმაციას საქართველოს ბიზნეს ასოციაცია ავრცელებს.

მათივე ცნობით, „მეტროპოლი” ამჟამად აქტიურად მუშაობს ოთხ სამშენებლო პროექტზე: „მეტროპოლ ქავთარაძე” „მეტროპოლ ბაგები”, „მეტროპოლ კუბი” და „მეტროპოლ ოვალი”. აღსანიშნავია, რომ „მეტროპოლი“ ოპერირებს, როგორც თბილისში, ასევე ქალაქ ბათუმში.

„კომპანია მომხმარებლის საჭიროებებზე მაქსიმალურად მორგებულ საცხოვრებელ სივრცეებს ქმნის, რომელსაც წარმატებით ახორციელებენ ინოვაციური მიდგომებით გამორჩეული, გამოცდილი და პროფესიონალი გუნდის წევრები.

აღსანიშნავია, რომ „მეტროპოლის“ მიმდინარე და დაგეგმილი პროექტები დივერსიფიცირებულია დანიშნულებების მიხედვით, კერძოდ საცხოვრებელი, საინვესტიციო, სააგარაკე. თითოეული კომპლექსის ლოკაციის განსაზღვრის დროს, სტრატეგიულ მდებარეობასთან ერთად, ყურადღება ეკოლოგიურ გარემოს, ახლომდებარე ობიექტებსა და თანამედროვე სტანდარტებთან შესაბამისობას ექცევა“,- ნათქვამია ბიზნეს ასოციაციის ინფორმაციაში.

ამასთან, როგორც „მეტროპოლში“ აცხადებენ, მათი მიზანი მაღალი ხარისხის, ინოვაციის, კომფორტისა და ინდივიდუალური მიდგომებით, საუკეთესოს შეთავაზებაა მომხმარებლისთვის.

„ჩვენს ხელში არსებულ კაპიტალს მრავალფუნქციურ, ენერგოეფექტურ, თანამედროვე სტანდარტების მიხედვით შექმნილ, ჰარმონიულ, ჯანსაღ და უსაფრთხო საცხოვრებელ და საინვესტიციო სივრცეებად ვაქცევთ. ჩვენი მიზანი მაღალი ხარისხის, ინოვაციის, კომფორტისა და ინდივიდუალური მიდგომებით, საუკეთესოს შეთავაზებაა მომხმარებლისთვის. „მეტროპოლში“ გვინდა, შევქმნათ უბნები, სადაც ყველაფერი თავის ადგილზეა, სადაც წინასწარ ნაფიქრია ჩვენი მცხოვრებლების ყველა საჭიროებებზე, სადაც ფოკუსი - ცხოვრებაზეა” - აცხადებენ „მეტროპოლში”.

საქართველოს ბიზნეს ასოციაციის პრეზიდენტოს სოსო ფხაკაძის თქმით, ის დარწმუნებულია, რომ საქართველოს ბიზნეს ასოციაციისა და „მეტროპოლის“ თანამშრომლობა საკმაოდ პროდუქტიული და ორმხრივად სარგებლიანი იქნება.

„მივესალმებით კომპანია „მეტროპოლს“ საქართველოს ბიზნეს ასოციაციის წევრთა რიგებში. მიუხედავად იმისა, რომ კომპანია შედარებით ახალი დაფუძნებულია, მას უკვე ბალანსზე აქვს წარმატებული და მნიშვნელოვანი პროექტები, რომელიც წარმატებით უზრუნველყოფს მომხმარებლის საჭიროებებს. დარწმუნებული ვარ, საქართველოს ბიზნეს ასოციაციისა და „მეტროპოლის“ თანამშრომლობა საკმაოდ პროდუქტიული და ორმხრივად სარგებლიანი იქნება“,- განაცხადა სოსო ფხაკაძემ.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ