ბუნდესვერის გენერალი - უკრაინას მობილიზაცია სჭირდება

გერმანიის თავდაცვის სამინისტროს უკრაინის საკითხთან დაკავშირებით შექმნილი სიტუაციური ცენტრის ხელმძღვანელის, კრისტიან ფროიდინგის განცხადებით, უკრაინას სჭირდება შეიარაღებული ძალების რაოდენობის გაზრდა, რათა წარმატებით დაიცვას თავი რუსული აგრესიისგან.

„რამდენადაც შეგვიძლია ვიმსჯელოთ, უკრაინას აუცილებლად მოუწევს მეტი ჯარისკაცის მობილიზება - დანაკარგების გამო მაინც“, - აღნიშნა ბუნდესვერის გენერალმა.

მისი თქმით, ასევე აუცილებელია ქვედანაყოფების აღდგენა, რომელთაგან ნაწილი ფრონტის ხაზზე თითქმის ორი წლის განმავლობაში იმყოფება.

კრისტიან ფროიდინგი კრიტიკულად გამოეხმაურა ცნობებს პრეზიდენტ ვოლოდიმირ ზელენსკისა და უკრაინის შეიარაღებული ძალების მთავარსარდალ ვალერი ზალუჟნის შორის განხეთქილების შესახებ.

„ჩვენ კულისებში ვერ ვიყურებით, მაგრამ, რა თქმა უნდა, თვალყურს ვადევნებთ ამ დისკუსიებს სამხედრო და პოლიტიკურ ხელმძღვანელობას შორის და, რა თქმა უნდა, ვიმედოვნებთ, რომ უკრაინა შეინარჩუნებს ერთიანობას, რამაც გააძლიერა მისი უნარი, დაიცვას თავი ბოლო თვეების და წლების განმავლობაში“, - აღნიშნა ბუნდესვერის გენერალმა.

მისი აზრით, ასეთი დისკუსიები დემოკრატიული სახელმწიფოს დამახასიათებელი ნიშანიცაა, მაგრამ გრძელვადიან პერსპექტივაში ეს ხელს არ უწყობს ქვეყნის თავდაცვის გაძლიერებას.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!