ძალიან ბევრი პოლიციელი კერძო ბიზნესში გადავიდა, ასევე სხვადასხვა სისტემებში. უფრო მეტ ანაზღაურებას აძლევენ და მესმის, კარგია, თუ ბიზნესში უფრო მეტი ანაზღაურებაა. მე ვფიქრობ, ქვეყანაში ეკონომიკა კარგად მიდის, - ამის შესახებ შს მინისტრობის კანდიდატმა პარლამენტის კომიტეტების გაერთიანებულ სხდომაზე განაცხადა.

ვახტანგ გომელაურმა ამით უპასუხა შეკითხვას, შსს-დან პოლიციელთა გადინების შესახებ.

„პოლიციელების გადინების კუთხით - არ ვიცი, რომ მივალ ახლა და ვუთხრა, ამოვიღოთ მონაცემები, თუნდაც ძველი დროის, რამდენი ადამიანი მიდიოდა, რამდენი ბრუნდებოდა - ამაში დიდ პრობლემას ვერ ვხედავ. კი ბატონო, ვიცი, 2021 წელს და 2022 წლის დასაწყისში ხდებოდა - უფრო მეტი ოჯახი გავიდა აშშ-ს მიმართულებით, თუმცა დღეს აღარ არის ეს ტენდენცია, გაჩერდა, უფრო სწორად. არამარტო პოლიციელები, ბევრი ადამიანი წასულა ოჯახებით, მოქალაქეებიც. მინდა გითხრათ, ძალიან ბევრი პოლიციელი კერძო ბიზნესში გადავიდა, ასევე სხვადასხვა სისტემებში. უფრო მეტ ანაზღაურებას აძლევენ და მესმის. კარგია, თუ ბიზნესში უფრო მეტი ანაზღაურებაა, მე ვფიქრობ, ქვეყანაში ეკონომიკა კარგად მიდის. მე ეკონომისტი არ ვარ, მაგრამ ასე მეუბნებიან ყოველ შემთხვევაში ეკონომისტები“, - განაცხადა გომელაურმა.