პორტუგალიის საგარეო საქმეთა მინისტრი, ჟოაო გომეშ კრავინიო უკრაინას ეწვია. „სასიამოვნოა ისევ კიევში ყოფნა, ამჯერად ჩემს კოლეგასთან, განათლების მინისტრ ჟოაო კოსტასთან ერთად, რათა კიდევ ერთხელ დავადასტუროთ ჩვენი მხარდაჭერა უკრაინის აღდგენის მიმართ“, - წერს პორტუგალიის საგარეო საქმეთა მინისტრი სოციალურ ქსელში.

უკრაინული მედიის ინფორმაციით, მინისტრები კიევში მატარებლით ჩავიდნენ. მათი ვიზიტი ორდღიანია და დღის წესრიგის მთავარი თემა ომი და უკრაინის აღდგენაა.