Bloomberg - ვიქტორ ორბანის პარტიის წევრებმა შვედეთის ნატო-ში გაწევრიანების რატიფიცირების განხილვას ბოიკოტი გამოუცხადეს

Bloomberg - ვიქტორ ორბანის პარტიის წევრებმა შვედეთის ნატო-ში გაწევრიანების რატიფიცირების განხილვას ბოიკოტი გამოუცხადეს

ვიქტორ ორბანის პარტიის წევრებმა შვედეთის ნატო-ში გაწევრიანების რატიფიცირების განსახილველად დანიშნულ პარლამენტის სხდომას ბოიკოტი გამოუცხადეს. ამის შესახებ ინფორმაციას Bloomberg-ი ავრცელებს.

Bloomberg-ის ცნობით, ვიქტორ ორბანის პარტიის „ფიდესის“ წევრები უნგრეთის ოპოზიციის მიერ შვედეთის ნატო-ში გაწევრიანების წინადადების რატიფიცირების განსახილველად მოწვეულ პარლამენტის სხდომას არ დაესწრნენ.

უნგრეთის პარლამენტს რატიფიცირების შემდეგი შესაძლებლობა 26 თებერვალს ექნება, როცა უნგრეთის პარლამენტი ზამთრის შესვენებიდან დაბრუნდება.

შეგახსენებთ, უნგრეთი ნატო-ს ერთადერთი წევრი ქვეყანაა, რომელსაც შვედეთის ალიანსში გაწევრიანების განაცხადის რატიფიცირება არ მოუხდენია.