ენტონი ბლინკენი საუდის არაბეთში ჩავიდა. ამის შესახებ ინფორმაციას სააგენტო Reuters-ი ავრცელებს.

Reuters-ის ცნობით, აშშ-ის სახელმწიფო მდივანი რიადში საუდის არაბეთის პრინცს, მოჰამედ ბინ სალმანს და საგარეო საქმეთა მინისტრს, ფაიზალ ბინ ფარჰანს შეხვდება.

საუდის არაბეთის შემდეგ ენტონი ბლინკენი ეგვიპტეს, კატარს, ისრაელსა და დასავლეთ სანაპიროს ეწვევა.

ცნობისთვის, „ჰამასის“ მიერ ისრაელის წინააღმდეგ განხორციელებული 7 ოქტომბრის თავდასხმის შემდეგ ეს ახლო აღმოსავლეთში ბლინკენის მეხუთე ვიზიტია.