ოლაფ შოლცი - ვლადიმერ პუტინი იმედოვნებს, რომ დასავლელი მოკავშირეები კიევის მხარდაჭერას შეწყვეტენ - ეს გათვლა არ იმუშავებს

გერმანიის კანცლერი, ოლაფ შოლცი დასავლეთის ქვეყნებს კვლავ მოუწოდებს, უკრაინის სამხედრო დახმარება არ შეამცირონ და რუსეთის პრეზიდენტს, ვლადიმერ პუტინს გაუგზავნონ მკაფიო გზავნილი, რომ კიევის მხარდაჭერას არ შეწყვეტენ.

„მტკიცედ მომხრე ვარ, შეერთებულმა შტატებმა და ევროკავშირის ყველა წევრმა ქვეყანამ შეიტანოს იმხელა წვლილი, რომ რუსეთის პრეზიდენტის მოლოდინი, რომ ეს საკითხი თავისთავად მოგვარდება, არ გამართლდეს”, - აღნიშნა შოლცმა საფრანგეთის პრემიერ-მინისტრთან, გაბრიელ ატალთან ერთობლივ პრესკონფერენციაზე.

გერმანიის კანცლერის თქმით, ვლადიმერ პუტინი იმედოვნებს, რომ დასავლელი მოკავშირეები, რაღაც მომენტში, კიევის მხარდაჭერას შეწყვეტენ. "ეს არის გზავნილი, რომელიც მკაფიოდ უნდა გაეგზავნოს მას როგორც შეერთებული შტატებიდან, ასევე ევროპიდან: ეს გათვლა არ იმუშავებს. ჩვენ მხარს დავუჭერთ უკრაინას", - აღნიშნა ოლაფ შოლცმა.

თავის მხრივ, გაბრიელ ატალმა აღნიშნა, რომ საფრანგეთი აპირებს გააფართოოს უკრაინის მხარდაჭერის პროგრამა. მისი თქმით, საუბარია არა მხოლოდ ფინანსურ დახმარებაზე, არამედ იარაღზეც. ამავდროულად, ატალმა ხაზი გაუსვა, რომ მნიშვნელოვანია მიწოდებული იარაღის ხარისხსაც, რადგან ის უნდა აკმაყოფილებდეს უმაღლეს სტანდარტებს, რაც აუცილებელია იმისთვის, რომ უკრაინელებმა საკუთარი თავი დაიცვან.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!