ჰაიტიში პრემიერ-მინისტრ არიელ ჰენრის გადადგომის მოთხოვნით საპროტესტო აქცია გაიმართა. Reuters-ის ინფორმაციით, აქციის ფარგლები დედაქალაქ პორტ-ო-პრენსს გასცდა და არეულობამ რამდენიმე რეგიონი მოიცვა. აქტივისტებმა დედაქალაქში ავტომობილებს ცეცხლი წაუკიდეს და სამთავრობო შენობებზე თავდასხმა სცადეს.

პოლიციამ დემონსტრაციის დასაშლელად ცრემლსადენი გაზი გამოიყენა. აქციაზე შეკრებილი ადამიანები პრემიერ-მინისტრ არიელ ჰენრის ბრალს ადგილობრივ კრიმინალურ დაჯგუფებებთან გარიგებაში სდებენ.