საქართველოს სავაჭრო პალატა, გერმანიის მთავრობის დაფინანსებით ახალ პროექტს იწყებს „GCCI მცირე და საშუალო ბიზნესის გაციფრულებისთვის“.

საქართველოს სავაჭრო პალატის ცნობით, პროექტის ფარგლებში მოხდება კომპანიის სრული ციფრული დიაგნოსტიკა, თანამშრომლების კვალიფიკაციის ამაღლება და ბიზნესის წარმოების პროცესში თანამედროვე პრაქტიკების დანერგვა.

„პროექტი შესაძლოა მოიცავდეს კიბერუსაფრთხოების, ციფრული მარკეტინგის (სოციალური მედია), ხელოვნური ინტელექტისა და მისი ავტომატიზაციის, მონაცემთა შეგროვებისა და ანალიზის, ინფორმაციული ტექნოლოგიების განვითარების, პროგრამული უზრუნველყოფის (HR ადმინისტრირების, ბუღალტერიის (გადახდები), მომხმარებელთან ურთიერთობის მართვის, ელექტრონული კომერციის, ონლაინ გადახდების მიმართულებებს და სხვა. პროექტი ასევე ითვალისწინებს დარგის წამყვანი სპეციალისტების და ექსპერტების მასტერკლასებს, ინდივიდუალურ მენტორებს.

პროექტში მონაწილეობა შეუძლია მცირე და საშუალო ბიზნესის წარმომადგენელს, რომელსაც აქვს მოქმედი ბიზნესი საქართველოს რეგიონებში (თბილისის გარდა).

მონაწილეობის მსურველებმა უნდა შეავსონ განაცხადი: https://forms.gle/xm6sHSzSmhp6dipy5

აპლიკაციის მიღების ბოლო ვადა 2024 წლის 25 თებერვალი.

პროექტის შესახებ დამატებით ინფორმაცია იხილეთ შემდეგ ბმულზე: https://rb.gy/nl3zj9 ", -აღნიშნულია ინფორმაციაში.