რატომ გრძელდება მსოფლიო მასშტაბით თავმოჭრილი კომპანიებისთვის უმსხვილესი ინფრასტრუქტურული პროექტების მიცემა? - ამ კითხვით მიმართა პარტია „ლელოს“ ერთ-ერთმა ლიდერმა, დეპუტატმა დავით უსუფაშვილმა რეგიონული განვითარებისა და ინფრასტრუქტურის მინისტრს, ირაკლი ქარსელაძეს.
დავით უსუფაშვილის განცხადებით, კანონი რომ მსგავს კომპანიებთან კავშირს არ კრძალავს, ეს პასუხის მისთვის მისაღები არ არის.
„ბატონ ქარსელაძეს მე არაერთხელ მოვუწონე კომპეტენცია, როდესაც „მინისტრის საათზე“ მობრძანდა. ამაში ეჭვი არ მეპარება, მაგრამ სწორედ კომპეტენტური პასუხი გვინდა იმის თაობაზე, თუ რატომ გრძელდება მსოფლიო მასშტაბით თავმოჭრილი კომპანიებისთვის უმსხვილესი ინფრასტრუქტურული პროექტების მიცემა. ახლა მოგვიწია ერთ-ერთთან კავშირის გაწყვეტა, საარბიტრაჟო დავები. ასევე, არის დაგვიანებები და ა.შ. პასუხი, რომ კანონი ამას არ კრძალავს, პასუხი არ არის“, - განაცხადა დავით უსუფაშვილმა.
