ანა ნაცვლიშვილი დარჩიაშვილს - იდო თუ არა თქვენი მხრიდან მაგიდაზე, ჩინეთის მიმართ წინადადება, რომ ეთქვა, ის არ აღიარებს რუსეთის მხრიდან საქართველოს ნაწილობრივ ოკუპაციას და მხარს უჭერს ქვეყნის ტერიტორიულ მთლიანობასა და სუვერენიტეტს?

იდო თუ არა თქვენი მხრიდან მაგიდაზე, ჩინეთის მიმართ წინადადება/მოთხოვნა, რომ ეთქვა, ის არ აღიარებს რუსეთის მხრიდან საქართველოს ნაწილობრივ ოკუპაციას და მხარს უჭერს ქვეყნის ტერიტორიულ მთლიანობასა და სუვერენიტეტს? - ამ კითხვით მიმართა „ლელოს“ დეპუტატმა, ანა ნაცვლიშვილმა საგარეო საქმეთა მინისტრობის კანდიდატს, ილია დარჩიაშვილს კომიტეტის სხდომაზე.

მან მინისტრს მოუწოდა, თუკი ჩინეთთან სტრატეგიული თანამშრომლობის დოკუმენტის ხელმოწერამდე, ქართული მხარის მიერ ასეთი სახის წინადადება/მოთხოვნა იყო გაჟღერებული, შესაბამისი წერილობითი ვერსიები წარმოადგინოს.

„თქვენი პარლამენტში წინა მოსვლის დროს მე გკითხეთ ჩინეთთან ხელმოწერილი სტრატეგიული თანამშრომლობის დოკუმენტზე, სამუშაო ვერსიები თუ არსებობდა და იდო თუ არა მაინც თქვენი მხრიდან მაგიდაზე, ჩინეთის მიმართ წინადადება ან მოთხოვნა, როგორც გსურთ ისე დაარქვით, რომ როგორც საქართველომ აღიარა ერთიანი ჩინეთის პრინციპი, ასევე ჩინეთს ეღიარებინა რუსეთის მხრიდან საქართველოს ნაწილობრივი ოკუპაცია და ეთქვა, რომ ის არ აღიარებს ამ ოკუპაციას და რომ საქართველოს ტერიტორიული მთლიანობის და სუვერენიტეტის მხარდამჭერია. კიდევ ერთხელ ვსვამ ამ კითხვას, იმიტომ რომ მაშინ პასუხი ვერ მივიღე. თუ შეგიძლიათ რომ წარმოგვიდგინოთ ეს ვერსიები წერილობითი, იდო თუ არა საგარეო საქმეთა სამინისტროს მხრიდან მაგიდაზე ეს წინადადება. დაგეთანხმათ, თუ უარყო და ამის შემდეგ მაინც მოაწერეთ ხელი სტრატეგიულ დოკუმენტს, რომელიც არ აღიარებს საქართველოს ტერიტორიულ მთლიანობას და ოკუპაციას?“ - განაცხადა ნაცვლიშვილმა.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას