ანა დოლიძის პარტია „ხალხისთვის“ ინიციატივით გამოდის, რომ ახალგაზრდებზე ქიმიური ექსპერიმენტების ჩატარება დასრულდეს და ამისთვის, პარტია სამსაფეხურიან გეგმას წარმოადგენს.

ამის შესახებ ინფორმაციას პარტიის პრესსამსახური ავრცელებს.

„საქართველოში ბოლო რამდენიმე წელია, აქტიურად ვხედავთ, რომ უამრავი ახალგაზრდის სიცოცხლე შეიწირა კლუბურმა ნარკოტიკებმა, რომლებიც გაურკვეველი გზებით, შემოწმების გარეშე ხვდება ბაზარზე და არ ხდება მათი კონტროლი. ამ ყველაფრის ის ფაქტიც ამძიმებს, რომ ქვეყანაში რუსების შემოდინებამ ამ მიმართულებითაც უმძიმესი და უკონტროლო მდგომარეობა შექმნა

მკაცრი კონტროლი გავრცელებაზე, შემოტანაზე, ტრანზიტზე და ნულოვანი ტოლერანტობა „ბარიგებს“.

აქტიური ურთიერთობა ყველა სხვა სატრანზიტო ქვეყნებთან, რომლებსაც დიდი გამოცდილება აქვთ ნარკოპოლიტიკასთან ბრძოლაში მაგალითად, ჰოლანდია, გაერთიანებული არაბული საამიროები და იაპონია.

სახელმწიფოს მიერ ძალოვან სტრუქტურებში ამ მიმართულებით ფინანსების ჩადება და მკაცრი კონტროლის დაწესება საჰაერო, სახმელეთო, საზღვაო პორტებსა და აეროპორტებში.

ამ ეტაპზე კრიტიკულად მნიშვნელოვანია, საქართველოს ხელისუფლებამ მკაცრი ზომები მიიღოს ნარკოპოლიტიკასთან დაკავშირებით და მაქსიმალურად გაამკაცროს კლუბურ ნარკოტიკებზე კონტროლი, რათა კიდევ არ დავკარგოთ ახალგაზრდები“,- ნათქვამია პარტიის მიერ გავრცელებულ ინფორმაციაში.