მძევლების გათავისუფლების შესახებ საბოლოო შეთანხმების მიღწევამდე ბევრი სამუშაოა გასაწევი. ამის შესახებ აშშ-ის სახელმწიფო მდივანმა ენტონი ბლინკენმა იერუსალიმში ისრაელის პრეზიდენტ ისააკ ჰერცოგთან შეხვედრის დროს განაცხადა.

შეხვედრაზე ბლინკენმა და ჰერცოგმა მძევლების გათავისუფლების შესახებ შემოთავაზებული შეთანხმება და მასზე "ჰამასის" პასუხი განიხილეს.

“ყურადღებით განვიხილავთ მას [შეთანხმებას], ისევე, როგორც ისრაელის მთავრობა. ბევრი სამუშაოა გასაწევი, მაგრამ ძალიან ფოკუსირებულნი ვართ ამ სამუშაოს შესრულებაზე და იმედია შევძლებთ მძევლების გათავისუფლების გაგრძელებას, რაც რამდენიმე თვის წინ შეწყდა”, - განაცხადა ბლინკენმა.

ბლინკენმა ასევე აღნიშნა პოზიტიური ნიშნები ისრაელსა და საუდის არაბეთს შორის ურთიერთობების ნორმალიზებასთან დაკავშირებით.