ირაკლი კობახიძე - ვფიქრობ, ყოველწლიურად უნდა იზრდებოდეს პენსიები

ყველაფერი უნდა გაკეთდეს, რომ წლიდან წლამდე იყოს უზრუნველყოფილი პენსიების ზრდა, - ამის შესახებ საქართველოს პრემიერ-მინისტრობის კანდიდატმა, ირაკლი კობახიძემ საპარლამენტო ოპოზიციის ფორმატში მთავრობისათვის ნდობის გამოცხადების საკითხის განხილვაზე განახადა.

ირაკლი კობახიძის თქმით, ხელისუფლება არ გაურბის სოციალურ ხარჯებს და ეს ახასიათებს ყველა მთავრობას, რომელიც „ქართული ოცნების“ პირობებში დაკომპლექტდა.

„მნიშვნელოვნად გაიზარდა თანხა, რომელიც გამოყოფილია ვეტერანებზე. ზოგადად ჩვენი ქვეყნის სოციალური ბიუჯეტი საკმაოდ მსხვილია მიუხედავად იმისა, რომ გადასახადების ნაწილში გვაქვს ძალიან ლიბერალური პოლიტიკა. გადასახადების ნაწილში გვაქვს ლიბერალური ფისკალური პოლიტიკა, თუმცა ხარჯების ნაწილში არავისზე ნაკლებად სოციალური არ არის ჩვენი ბიუჯეტი, რომ ავიღოთ პროცენტული მაჩვენებელი. ჩვენ არ გავურბივართ სოციალურ ხარჯებს და ეს ახასიათებს ყველა მთავრობას, რომელიც ქართული ოცნების“ პირობებში დაკომპლექტდა. სადაც იქნება ზრდის შესაძლებლობა მზად ვართ, რომ თითოეულ ამ საკითხზე ვიმსჯელოთ და გადაწყვეტილებები მივიღოთ.

რაც შეეხება ასაკობრივ პენსიას, რა თქმა უნდა, არ არის საკმარისი იმისთვის, რომ ადამიანმა სათანადოდ იცხოვროს. საკმაოდ მცირე პენსიაა. ამას დიდწილად განაპირობებს ისევ და ისევ ლიბერალური საგადასახადო პოლიტიკა, რასაც თავისი ბევრი პლუსი აქვს, ხელს უწყობს ეკონომიკის ზრდას, თუმცა, მეორე მხრივ, ნაკლები რესურსი აქვს ბიუჯეტს, რომ შესაბამისი ხარჯები გასწიოს. ბუნებრივია, ყველაფერი უნდა გაკეთდეს, რომ წლიდან წლამდე იყოს უზრუნველყოფილი პენსიების ზრდა. ინდექსაცია ისედაც უზრუნველყოფილია, არსებითად ინფლაციაზეა მიბმული, თუმცა ამის მიღმა ვფიქრობ, რომ მუდმივად უნდა იზრდებოდეს ყოველწლიურად პენსიები ჩვენს ქვეყანაში“, - განაცხადა ირაკლი კობახიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია