7 თებერვალს, ნაძალადევის რაიონში, ავშნიანის დასახლებაში, მონადირის ქუჩა N14-ის მიმდებარედ, „ჯორჯიან უოთერ ენდ ფაუერის“ წყალსადენის მაგისტრალური ქსელი ავარიულად დაზიანდა.
ინფორმაციას ამის შესახებ „ჯივიპი“ ავრცელებს.
მათივე ცნობით, კომპანიის ტექნიკური ჯგუფი ადგილზეა მობილიზებული და ქსელის დაზიანებული მონაკვეთის აღსადგენად გადაუდებელი სამუშაოები მიმდინარეობს.
„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც, დღეს, 7 თებერვლის საღამოს 18:00 საათიდან, 8 თებერვლის დილის 08:00 საათამდე წყალმომარაგება შეზღუდული ექნება:
ხიზაბავრის, იპოლიტოვ-ივანოვის, ჯანჯღავას, ჩიქვანაიას, ქერჩის, ილორის, ზარზმის, კაჭარავას, რევოლუციის, ხანძთის და ბაღნარის ქუჩებს;
სოფელ გლდანში - 26 მაისის, ყაზბეგის, წერეთლის, თამარ მეფის, მრევლიშვილის, დარასელიას და თავდადებულის ქუჩებს.
გაზის, ავჭალა 2-ის და ცენტოლიტის დასახლებებს, ხევძმარის ქუჩა N4-ს, ანდრონიკაშვილის, ხიზანიშვილის, ხიზანბარელის, სკოლის, ბიჭვინთის, მანაგაძის, ჩოლოყაშვილის, აღმაშენებლის, გამარჯვების, ანდრონიკაშვილის II შესახვევს.
მუხიანის სამხედრო დასახლებაში - გაბაშვილის, მარჯნის, ღვალაძის, ქობის, ბრონშტეინის, გობრონიძის ქუჩებს, მუხიანის I-ელ და II მიკრორაიონებს, III და IV მიკრორაიონების ნაწილს, ზღვის უბნის III მიკრორაიონის კვარტლებს.
„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge“, - ნათქვამია გავრცელებულ ინფორმაციაში.
